Bagir Manan | |
---|---|
![]() | |
Mahkamah Agung Républik Indonésia periodhe 2001—2008 | |
Linggih 2001–2008 | |
Rerincèn dhiri | |
Lair | 1941 Lampung |
Bangsa | Indonesia |
Agama | Islam |
Prof. Dr. Bagir Manan, SH, MCL. (lair ing Lampung, 6 Oktober 1941; umur 82 taun) inggih punika tilas Ketua Dewan Pers Indonésia, ingkang sadèrèngipun naté njabat dados Ketua Mahkamah Agung Républik Indonésia periodhe 2001—2008.[1]
Bagir Manan naté njabat dados Dhirektur Perundang-undangan Dhepartemén Kehakiman (1990-1995), Dirjen Hukum lan Perundang-Undangan Dhepartemén Kehakiman (1995-1998).[2] Panjenenganipun dados Guru Besar Babagan Ilmu Hukum Tata Nagara Universitas Padjadjaran (Unpad) Bandung.[2] Bagir Manan kalebet alumnus Master of Comparative Law, Southern Methodist University Law School Dallas, Texas, Amérika Sarékat lan pikantuk gelar Dhoktor Hukum Tata Nagara ing Unpad (1990).[2] Naté dados anggota DPRD Kotamadya Bandung, Anggota Komisi Ombudsman Nasional, lan Réktor Universitas Islam Bandung (Unisba) Bandung.[2] Wiwit taun 1987 dados panyerat lan editor puluhan buku bab hukum lan katatanagaran.[2] Panjenenganipun pikantuk bebingah “Distinguished Alumni Award” saking Southern Methodist University Dedman School Of Law, Texas, Amérika Sarékat.[2]